شەفەق نیوز - بەسڕە

نرخەیل هەردوو نەفت بەسڕەی "قورس و ناوڕاس" عراقی، ئمڕوو پەنجشەممە، بەرزەو بوین وەگەرد داوەزیان نرخەیل نەفت لە جیهان، چوینکە نەفت برێنت زیاتر لە 1.4% و نەفت خوەرئاوای تێکساس ناوڕاس نزیکەی 1% داوەزی.

نەفت بەسڕەی قورس 73.86 دۆلار ئەرا بەرمێلیگ توومار کرد، کە وە بڕ 31 سەنت و وەرێژەی 0.42% بەرزەو بوی، لە وەختیگ نەفت بەسڕەی ناوڕاس بەرزەو بوی ئەرا 76.86 دۆلار ئەرا بەرمێلیگ، وە زیایبوینیگ کە رەسیە 31 سەنت، یا 0.40%.

لەوەرانوەر، گرێبەستەیل ئایندەی نەفت برێنت داوەزیان ئەرا 104.48 دۆلار ئەرا بەرمێلیگ، کە وە بڕ 1.58 دۆلار و وە رێژەی 1.49% داوەزیا، وە هەمان شیوە گرێبەستەیل ئایندەی نەفت خوەرئاوای تێکساس ناوڕاس داوەزیا ئەرا 94.19 دۆلار ئەرا بەرمێلیگ، وە داوەزینیگ کە رەسیە 90 سەنت، یا 0.95%.

لەبان ئاست نیشانەیل تر،  نەفتەیل رێکخریاگ وڵاتەیل هەناردەکار نەفت (ئۆپێک) داوەزیا ئەرا 112.30 دۆلار ئەرا بەرمێلیگ، وە داوەزینیگ ک بڕەگەی 1.73 دۆلار بوی، و وەرێژەی 1.52%.