شەفەق نیوز - خوەرهەڵات ناوڕاس

دەیان لە نیشتەجێبووەیل تویڕەی ئیسرائیلی، ئمڕوو جومعە، پەلامار  یەکیگ ئاواییەیل کەرت خوەرائاوا دان، و دەسکردنە سزانن درەختەیل زەیتون و وە سەنگ پەلامار فەلەستینییەیل دان لە وەرز بەرهەم گردەکردن ساڵانە، وەپای "رۆیتەرز".

"رۆیتەرز" وەپای قسەی شایەتحاڵیگ راگەیان نزیکەی 80 دانشتگەیل وە دڵنگ سیا  و دەموچەو پیچیاگ، کە بڕیگ لەلییان  غاز وەپیان بوی، هاتنە خوارەو لە گردیگ کە کەفێدە بان   باخ زەیتوونیگ مەردم ئاوای ئەبو فەلاح گردەوببوین  ئەرا گردەوکردن میوەی رەسیاگ، کە کاریگ ساڵانەیانە و شوین تایوەتیگ دێرید لای فەلەستینییەیل.

ئەو دانیشتگەیلە خوەیان لەناوەین رێڕەو دار زەیتونەیل شاربدوینەو لەری تیرکەمان سەنگ ئەرا فەلەستینیەل وشاننە و  وەرەو خوار گردەگە داوەزیانە کە سەنگ هەڵگردبوین ئەرا وەرگیریکردن لە خوەیان، لە ئەنجام دوو کەس لەناویان زەخمداربوی کە رووژنامەنویس ژنیگ ها ناویان.

 موعتاز عەبدولهادی (42 ساڵ)، کە کشاوەرزیگە و شایەت پەلامارەگە بویە   لە ئەبو فەلاح، وت نیشتەجیبویەیل ئامانجیان پەلاماردان  فەلەستینییەیلە تا ناچاریان بکەن لە ماڵ و حاڵ خوەیان بوان.

لە وەخت پەلامارەگە دوو ماشین سوپای ئیسرائیلی وە گشت خێراییگ وە ناوچەگە رەدبویە فەلەستینیەیل لەناوڕاس ریگە واینە لەناوەین بەرزەوبوین ئەو تەپوتوزە کە ماشینەیل دروسیکردنە.