شەفەق نیوز/ وەزارت تەندروسی وژینگەی عراق، ئمڕوو یەکشەممە، راگەیان رەسین دوویەم چین لە واکسینەیل، و دیاری کرد ک عراق دوویەم چین لە واکسین ڤایزەر وەرگرد.

وەزارەتەگە لەبەیانامەیگ رەسیە ئاژانس شەفەق نیوز وت: ئەوەسا چینەیلیگ تر وەشیوەی هەفتانە رەسنە عراق، و ئەوەسا لەمەوقەی رەسینی وەکوتپڕ دابەشی کریەێدە بان فەرمانگە تەندروسیەکان لە بەغداد وگشت پارێزگایل و هەرێم کوردستان.

وتیش؛ سێ واکسین جیگر لەلای وەزارەت تەندروسی لەعراق هەس، و دووپات کرد ک واکسینەکان بیوەی و جیگرن و لە بنچینەیلیگ جهانی ناوداریگ و لە ژیر سەرپەرشتیاری رێکخراو تەندروسی جهانی هاتنە.

وەزارەتەگە لەبەیانامەگەی هان گشت هاووڵاتییەیل دا وەزوی تاقەبەشەیل واکسینەگە لەڕی تۆمارکردن لە ماڵپەڕە ئەلیکتڕۆنیەگە وەربگرن، ک واکسینەیل لە گرنگترین هووکارەیل لەناوبردن پەتاگانە، و ئەرا وسانن زنجیرەی بڵاوبوینی.