شەفەق نیوز/ سەرچەوەیگ ئەمنی لە نەجەف، ئمڕوو سێشەممە، خەوەردا ک دادگای نەهیشتن تاوانەیل، فەرمان وەسێدارەدان لەبان تاوانکاریگ دەرکرد ک تاوانیگ دڵتەزن لە باشوور پارێزگاگە جیوەجی کردگە.
سەرچەوەگە ئەرا ئاژانس شەفەق نیوز وت: دادگای نەهیشتن تاوانەیل نەجەف، فەرمان وەسێدارەدان لەبان توومەتباریگ دەرکرد ک ژنەی خوەی وە بەنزین سزانیە ئیجا وەشیوەیگ وەحشیانە کوشتیەسەی، ئەوەیش لە ئەنجام دەمەقاڵیگ ناوەینیان لە ناوچەی جوبان لە ناحیەی عەباسیە باشوور نەجەف.
سەرچەوەگە دیاری کرد ک فەرمانگەگە لە بنەمای مادەی ٤٠٦ لە یاسای سزادان عراقی شمارە ١١١ ئەرا ساڵ ١٩٦٩ دەرکرد.