شەفەق نیوز/ عەلی جابر زیادی شارەزای کەشناسی، ئمڕوو جمعە، هوشداری دا لە داوەزیان گەورەیگ پلەی گەرمی کە یەکەمە لەی جویرە لە ماوەی وەیکە زیاتر لە یەک دەیە تا ئیسە لە عراق، وتیش: هاتێ پلەی گەرمی بڕەسێدە خوار سفر سەدی لە ناوڕاس و باکوور وڵات.

زیادی ئەرا ئاژانس شەفەق نیوز وت: نموونەیل نەخشەی کەشوهەوا نشان دەن کە خوەرهەڵات ناوڕاس و باکوور جزیرەی عەرەبی لە شام و عراق و خەلیج روی وەرەو داوەزیانیگ جەمسەری کەن، لە رووژ 20 شوباتەو پەڵەی ئەور واراناوی لە خوەرهەڵات دەریای ناوڕاس وەرەو سوریا و عراق واران رفتیگ هاوردیە، ناوچەیلیگ جیاجیا لە وڵاتەگە گرێدەو، و لە شوینی شەپوول سەردی (قوبرسی) تیەێد کە لە گەردەلویل جەمسەری باکوور خوەرهەڵات ئەتڵەسی جیاوە بویە، و تا ئیسە یەک سیناریۆ نیەرێد.

  وتیش: سیناریۆی یەکەم، مەزەنە کریەێد وڵاتەگە بکەفێدە ژیر کاریگەریی پارچە وای سەیبیری گەورەیگ لە رووژ  20 تا 23 شوبات، و پلەی گەرمی ئەرا خوارترین ئاستی داوەزنێد کە لە چەن ساڵیگە وەیجویرە نەویە، و توومارکردن سفر سەدی لە ناوڕاس و باکوور وڵات.

زیادی وتیش: شارەیلیگ ترەک لە عراق هاتێ وە رووژانە پلەی باڵایان بڕەسێدە 12 پلەی سەدی، و وەخت گوڵسوو بڕەسێدە سفر سەدی، و یەیش شەپوولیگ وەرین هن وەرجە دە ساڵ گلەو دەێد کە لە ساڵ 2011 بویە، و سیناریۆی دویەم؛ ئەوەسە کە ئی شەپوول سەردە 7 پلە لە گەرمی داوەزنێد یا بوود شەپوول سەردییگ ئاسایی.