شەفەق نیوز/ سەرچەوەیگ ئەمنی لە نەجەف، ئمڕوو یەکشەممە، خەوەردا لە کوشیان و زەخمداری ٦ زیارەتچی ئیرانی وە رویداوەیل هاتوچو جیاجیا لە ماوەی چەن ساعەتیگ گوزەشتە لە پارێزگاگە.
سەرچەوەگە ئەرا ئاژانس شەفەق نیوز وت: ٤ زیارەتچی ئیرانی وە رویداویگ هاتوچو لەبان ری نەجەف-کەربەلا زەخمدار بوین، و بریانە خەسخانە.
سەرچەوەگە دیاری کرد ک دویەم رویداوەگە وە وەرگردن تەرم زیارەتچییگ ئیرانی لەلایەن بنکەی پزشک دادوەری لە پارێزگاگە توومار کریا ک وە ناوکاوی مردیە.
وتیش: سێیەم رویداوەگە لە ئەنجام خنکیان یەکیگ لە زیارەتچیەیل ئیرانی لە چەم کووفە لەناوچەی زەرگە بوی.
وەرجەیە، شەوەکی ئمڕوو، سەرچەوەیگ ئەمنی خەوەردار لە کوشیان ١١ زیارەتچی ئیرانی وە رویداویگ هاتوچو لە پارێزگای بابل، وەگەرد رانندەی ماشینەگە.
دویەکە شەممە، دوو زیارەتچی ئیرانی گیانیان لەدەسدان و ١٥ی تریش زەخمدار بوین، وە رویداو پلیان پاسیگ کۆستەر لە شار کووت لە پارێزگای واست.