شەفەق نیوز/ سەرچەوەیگ ئەمنی لە پارێزگای نەجەف، ئمڕوو دووشەممە، خەوەردا لە دەسگیرکردن دوو فەرمانبەر وە توومەت گەندەڵی لە فەرمانگەیل بازرگانی و شارەوانی لە پارێزگاگە.
سەرچەوەگە ئەرا ئاژنس شەفەق نیوز وت:هێزیگ لە ئاسایش نیشتمانی فەرمانبەریگ لە وەزارەت بازرگانی دەسگیر کرد، کار لە سایلۆی نەجەف کەێد، و ئاڵشت نموونەیل گەنم رەتکریاگ کەێد و نموونەیلیگ تر خەێدە شوینیان.
وتیش: هێزیگ تر لە دەزگای دەسپاکی توێنست فەرمانبەریگ لە شارەوانی نەجەف دەسگیر بکەێد، لەوەر توومەتبارکردنی وە دەسکاریکردن وە موعامەلەیل هاووڵاتیەل ئەرا وەرگردن پارچە زەوی.
سەرچەوەگە نشان دا ک دوو توومەتبارەگە وەرەو بنکەی لێکۆڵینەوە رەوانە کریان.