شەفەق نیوز/ نەتەوە یەکگرتووەگان، ئمروو جمعە، وت؛ راپۆرتەیلیگ وەرگردگە لە کوشتن ١٢ عراقی و سوری لە یەکەم نیم مانگ کانون یەکەم لە کامپ ئاوارەیی هۆل ک لە باکوور خوەرهەڵات سوریا کورد وەڕییەو بەێد، و ئاوارەیلیگ و خیزانەیل جەنگاوەرەیل داعش هاناوی.

یینس لایرکە قسەکەر وەناو نووسینگەی نەتەوە یەکگرتووەگان ئەرا هەماهەنگی باوەتە مرۆییەگان وت: داوا لە دەسەڵات وەرپرسەگان لە ئاسایش ئی کامپە کەیمن، سەڵامەتی دانیشتوەگان و هەمیش فەرمانبەرەیل فریاکەفتن مسۆگەر بگەن.

لە قسەیلی ئەرا نەتەوە یەکگرتووەگان لە جنێف وت: گشت کارەیل رەسانن هاوکاریەگان کەفنە مەترسی هەنای ئی ئاست نا ئارامیە ک ئیسە دوینیمنەی بەرزەو بوود، و ئاماژە کرد ک کامپەگە هالە کۆنتڕۆڵ هێزەیل کورد سوریا، و ٦٢ هەزار لە جووراجور دەوڵەتەگان هاناوی.