شەفەق نيوز- ميسان/ نەجەف 

سەرچەوەیلیگ ئەمنی و پزشکی، ئمڕوو دووشەممە، خەوەردان لە پەیاکردن تەرم کەسیگ نەناسیا و خوەیکوشتن دویەتیگ بیس ساڵان وە ئاگر، و دەسگیرکردن چوار کەس یەکیگیان قەورکەنە وەتوومەت بردن تەرمیگ وەبی مووڵەت فەرمی لە دوو پارێزگا.

سەرچەوەیل پزشکی ئەرا ئاژانس شەفەق نیوز وتن: دویەتیگ تەمەن بیس ساڵان لە پارێزگای میسان ئاگر خوەی دا، دویای زیانیگ دەروینی، و لە خەسەخانە گیانی لەدەسدا.

 وتنیش: هیزیگ هەواڵگری لە پارێزگای نەجەف ئمڕوو کابرایگ قەورکەن و سێیان ترەک وەگەردی دەسگیر کردن مەوقەی کەنین قەوریگ و بردن تەرمیگ وەبی مووڵەت فەرمی و یاسایی.

 سەرچەوەیگ ئەمنی ترەک لە نەجەف وت: تەرم پیاییگ نەناسیای لەناو قەورسان نەجەف پەیا کریا، دیاری کرد کە ئەو پیاوە لەناو قەورسانەگە خوەی سزانیە.