شه‌فه‌ق نيوز/ ده‌زگاى ته‌ندروستى ميسان، ئاشكراى تۆماركردن حاڵه‌تيگ تازه وه ڤايرۆس كۆرۆنا كرد ئه‌را هاووڵاتييگ له ناوه‌ندى پاريزگاى ميسان.
ده‌زگاگه له به‌ياننامه‌يگ ئه‌را شه‌فه‌ق نيوز وت: گشت رێ وشوونه‌يگ خوه‌يپاريزى ده‌رهه‌ق تويشبويه‌يل گيرياسه وه‌ر و داوايش له مه‌ردم پاريزگاگه كرد پابه‌ند بوون وه رينمايه‌يل ته‌ندروستى.
لاى خوه‌ييشه‌و، پاريزگاى دياله ئاشكراى كرد 20 كه‌س تر كه‌ره‌نتينه كريانه ك وه‌ركه‌فته‌ى تويشبوييگ تر بوينه ك وه‌ڤايرۆس كۆرۆنا گيان له‌ده‌سداگه له ناحيه‌ى به‌نى سعه‌د وه دويرى 20 كم له باشوور خوه‌رئاواى باقووبه.
له‌ى باوه‌ته‌و نه‌بيل فازڵ وه‌ڕيه‌وبه‌ر ته‌ندروستى گشتى له دياله ئه‌را شه‌فه‌ق نيوز وت: كادره‌يل تايبه‌تمه‌ند وه قه‌يران كۆرۆنا 20 كه‌س كه‌ره‌نتينه كردنه له ماڵ ك وه‌ركه‌فته‌ى كه‌سيگ تويشبوێ وه كۆرۆنا بوينه‌و گيان له‌ده‌سداگه.