ئه‌لدفاعى له باسيگ ئه‌را(شه‌فه‌ق نيوز)وت: مووچه‌ى مانگانه‌ى سه‌رۆك كۆماره‌يل له شوون 2003 ئه‌ڕه‌سێده بڕ 100 مليۆن دينار ئه‌را غازى عجێل ئه‌لياوه‌ر سه‌رۆك وه‌رين و 85 مليۆن دينار ئه‌را جه‌لال تاڵه‌بانى سه‌رۆك وه‌رين.
ئه‌لدفاعى هه‌ميش وت: مووچه‌ى حاجم ئه‌لحه‌سه‌نى سه‌رۆك وه‌رين ئه‌نجومه‌ن نوێنه‌ره‌يليش 70 مليۆن ديناره و ئه‌ياد ئه‌لسامه‌ڕائى و مه‌حموود مه‌شهه‌دانييش وه هه‌مان شيوه هه‌ر يه‌كيگ له‌ليان مووچه‌ى خانه‌نيشنيان 70 مليۆن ديناره.
جى باسه، ئه‌ندام ليژنه‌ى ده‌سپاكى باس له‌وه‌يش كرد ك نزيكه‌ى 400 تا 600 كه‌سيش جوور پاسه‌وانه‌يل ئه‌و وه‌رپرسه‌يله مووچه‌ى مانگانه وه‌رئه‌گرن و هه‌ر وه‌و خاتريشه ليژنه‌گه خه‌ريك دقه‌تكردن ئى مه‌سه‌له‌سه.