شەفەق نیوز ـ موسڵ
ئمڕوو یەکشەممە، پارێزگار نەینەوا عەبدولقادر دەخیل وە بوونەی هاتن وەرز وەهار لە شار مووسڵ (کە وە دالگ دو وەهاران ناسریاگە)، پێشانگای ساڵانەی گوڵ و نەمام واز کرد.
پێشانگاکە لە لایەن وەڕێوەبەرایەتی شارەوانی مووسڵ لە (حديقة الشعب) رێکخریاس، زیاتر لە 150 نەمامگەی حکومی و ئەهلی بەشدارن، کە جویرەها گوڵ و رووەک جیاواز و رەنگین نمایش کردنە.
پەیامنێر ئاژانس شەفەق نیوز دیاریکرد، چالاکییەیل ئی پێشانگا ئەرا ماوەی سێ رووژ بەردەوام بوود، مەراسیم وازکردنەگە ئامادەبوونیگ وەرچەو لە وەرپرسەیل حکومی، ئەندامەیل ئەنجومەن نوێنەران، خوەنەوارەیل و خەڵک پارێزگای نەینەوا وە خوەی دی کە ئەرا بەشداریکردن لە ئی ئاهەنگ سروشتییە هاتوین.