شەفەق نیوز/ سەرچەوەیگ ئەمنی لەنەینەوا، ئمڕوو سێشەممە، خەوەردا لە زەخمداربوین هەش کەس وە رویداو هاتوچو کە ل نزیک ئاوای شێخ محەمەد لە ناحیەی بادوش، خوەرئاوای شار موسڵ رویدا.
سەرچەوەگە وە ئاژانس شەفەق نیوز وت، "رویداوەگە وە مدوو لەیەکەوداین دوو ماشین بویە، لە ئەنجام هەشت مەدەنی زەخمداربوین کە چوارکەسیان ژنن"، وتیش: "زەخمدارەیل ئەرا چارەسەرکردن کلکریانەس ئرا خەستەخانە و تەندروسیان جیگیرە".
سەرچەوەگە دیاریکرد، "لایەنەیل پەیوەنیدار لێکۆڵینەوە لە چۆنیەتی رویداوەگە وازکردنە، و بەرزی خێرایی و یا وریانەبوین یەکیگ لە هووکارەیل رویداوەگە".