شەفەق نيوز– نەینەوا
سەرچەوەیگ ئەمنی لە نەینەوا، ئمڕوو یەکشەممە، خەوەردا لە دراوردن تەرم گەنجیگ مەوقەی مەلەوانیکردن لە چەم دیجلە لە ناوچەی ئەلبوسەیف باشوور شار موسڵ ناوەند پارێزگاگە، ئەوەیش دویای رووژیگ لە دیارنەمانی.
سەرچەوەگە ئەرا ئاژانس شەفەق نیوز وت: پۆلیس ئاوی توانست تەرم گەنجیگ لە تەمەن 22 ساڵان دراورد، کە دویەکە شەممە مەوقەی مەلەوانیکردن لە چەم لە ناوچەی ئەلبوسەیف باشوور شار موسڵ خنکیاس.
سەرچەوەگە دیاری کرد کە خنکیایەگە خەڵک گەڕەک وادی حەجەر بویە لە لای راس موسڵ، و وەگەرد بڕیگ لە برادەرەیلی ئەرا مەلەوانیکردن هاتنەسە ناوچەگە، و لەناو چەمەگە نقوم بویە تا نیمەڕو ئمڕوو پەیا کریا.
وتیش؛ تیمەیل رزگارکردن دەسکردنە مینەکردن لە وەختیگەو ئاگادار کریان، تا توەنستن تەرمەگە درارن و بیەنەی دەس لایەنەیل پەیوەندیدار ئەرا تەواوکردن ریکارەیل یاسایی.