شەفەق نيوز/ سەرچەوەیگ ئەمنی لە پارێزگای نەینەوا، ئمڕوو شەممە، خەوەردا لە توومارکردن دوو خوەیکوشتن لە شار موسڵ لە ماوەی 24 ساعەت گوزەشتە، لە وەختیگ باس وازکردن لێکۆڵینەوە لەو دوو رویداوە کرد.

سەرچەوەگە ئەرا ئاژانس شەفەق نیوز وت: گەنجیگ لە تەمەن 22 ساڵان، لە ناوچەی رەشیدیە باکوور موسڵ وە ئاگر خوەی کوشتیە، و ژنیگ لە تەمەن 21 ساڵان لەناو ماڵەگەی لە گەڕەک ئیسڵاح وڵاتی خوەرئاوای شارەگە خوەی دادە سێدارە.

وتیش: لایەنەیل ئەمنی رەسینە شوین دوو رویداوەگە، و دوو تەرمەگە ئەرا پزشک دادوەری بردن، و لێکۆڵینەوە لە رویداوەیل واز کردن ئەرا رەسین وە بندروس خوەیکوشتنیان، لە وەختیگ زانیاریەیل باس کەن کە فشار دەروینی و خیزانی تیژیگ داشتنە.