شەفەق نيوز/ سەرچەوەیگ پزشکی لە فەرمانگەی تەندروسی نەینەوا، ئمڕوو سێشەممە، خەوەردا لە توومارکردن توویشهان نوویگ وە تەو خوینوەربوین، ئەوەیش لەلای پیاییگ لەناو تەمەن شەس ساڵە لەلای راس شار موسڵ، وەگورەی تەمەیل پزشتی ئەرا جیوەجیکردن ریکارەیل خوازیاگ ئەرا نواگیریکردن لە بڵاوبوین بیماریەگە.

سەرچەوەگە ئەرا ئاژانس شەفەق نیوز وت: پیاییگ لە تەمەن 65 ساڵە، خەڵک گەڕەک سەحە لە لەلای راس شار موسڵ، دویەکە ئەرا خەسەخانەی ئیبن سینا هاوریا، دویای دەرکەفتت نشانەیل تەو خوینوەربوین.

سەرچەوەگە دیاری کرد کە ئەنجام تاقیکردن ئمڕوو دەرچگ و دەرکەفت کە تویش بیماریەگە هاتگە، وەکوتپڕ دەسکریا وە ریکارەیل بردنی ئەرا خەسەخانەی شیفا، وەگورەی پرۆتۆکۆل تەندروسی.

وتیش: فەرمانگەی تەندروسی دەسکردن چەودیاریکردن دەورگرد بیمارەگە، ئەرا ئاشکراکردن هەر تویشاتنیگ ترەک، و شوین نیشتەجییوینی تەمیسەو کریا، ریکارەیل مقیەتبوین وەگورەی تەمەیل شانەی قەیران تەندروسی جیوەجی کریا.

نەینەوا چەن تویشهاتنیگ وە بیماری تەو خوینوەربوین توومار کرد، کە بیمارییگ ڤایرۆسیە و لە ئاژەڵەو رەسێدە ئایەم، و رخداریی لە ناوچەیل کشتوکاڵی و ئیوەتکردن ئاژەڵ زیایەو بوود.