ئه‌ندام كوتله‌ێ مواتن سه‌ڵاح عه‌رباوی له‌ی باوه‌ته‌ له‌ لێدوان ڕووژنامه‌گه‌ریێگ ك كۆپیێگێ ئه‌ڕا (شه‌فه‌ق نیوز) كلكریاس ئه‌ێوژێ: ده‌سپێشخه‌ریه‌گه‌ وه‌ناو عراق و سه‌رجه‌م عراقیه‌یله‌ و تایبه‌ت وه‌یه‌ك لايه‌ن نییه‌ و دڵنیایی خوه‌ی له‌وه‌یش نیشانداس ك سه‌ره‌تاێگه‌ ئه‌ڕا ده‌سوه‌پێكردن پرۆسه‌ێ ئاشته‌وایی ڕاسكانی‌ ئه‌گه‌ر سه‌رجه‌م لايه‌نه‌یل وه‌گیان وه‌رپرسیاری به‌رز وه‌لیا ڕه‌فتار بكه‌ن.

عه‌رباوی، سه‌رهه‌ڵداین داعش تيرۆریستی وه‌هوكار نه‌وين چاره‌سه‌ر سیاسی هه‌مه‌لایه‌نه‌ ئه‌ڕا كێشه‌ و گرفت و ناكووكیه‌گان وڵات زانستگه‌و داواێ ئه‌وه‌ كردگه‌ ك چاره‌سه‌ر ئه‌ڕا زامنكردن گله‌ونه‌خواردن داعش ئه‌ڕا جه‌سته‌ێ عراقیه‌یل بكریه‌ێ.