شه‌فه‌ق نيوز/ ره‌يحان حه‌نا ئه‌يوب سه‌رۆك فراكسيۆن ئه‌نجومه‌ن مللى كلدانى سريانى ئاشوورى له ئه‌نجومه‌ن نوێنه‌ره‌يل عراقى، ئاشكراى ئه‌وه كرد ك پيكهاته‌گه‌ى وه‌گشت توانيگه‌و هه‌وڵ ئه‌وه ئه‌يه‌ن پۆستيگ وه‌زارى له حكومه‌ت مسته‌فا كازمى سه‌رۆك وه‌زيره‌يل راسپارياێ بارنه ده‌س.
ئه‌يوب ئه‌را شه‌فه‌ق نيوز وت: ئيمه دژ گشت ئه‌و ناوه‌يل كانديدكرياگه نييم ئه‌را سه‌رۆكايه‌تى حكومه‌ت، ئه‌ويش وه‌و مه‌رجه ك ئداره‌ى وڵات بكا وه‌و جووره‌گ له‌ئاست داواكاريه‌يل ملله‌ت عراقى بدێ.
ئه‌يوب وت: باوه‌ڕمان ئه‌وه‌سه ك مقه‌يه‌تى له مافه‌يل گشت پيكهاته‌يل ره‌سه‌ن عراقى ئه‌ولويه‌تيگ حه‌تميه‌و وه‌و خاتريشه بايه‌سه له‌بان سه‌رۆك وه‌زيره‌يل راسپارياێ بزانێد ك چوين مامڵه وه‌ل پيكهاته‌يل بكا و باس له‌وه‌يش كرد پيكهاته‌ى مه‌سيحى نوێنه‌رايه‌تى تايبه‌ت ديرێد له په‌رله‌مان عراقى و وه‌گشت توانايگه‌يشه‌و هه‌وڵ ئه‌وه ئه‌يه‌يم مقه‌يه‌تى له مافه‌يلمان بكه‌يم و جوور پيكهاته‌يگ پۆستيگ وه‌زارى وه‌ده‌س باريم له حكومه‌ت ئاينده.