شه‌فه‌ق نيوز/ عاليه نسه‌يف ئه‌ندام ئه‌نجومه‌ن نوێنه‌ره‌يل داوا له ده‌سه‌ى ده‌سپاكى كرد ئاشكراى ده‌رئه‌نجامه‌يل بكا له ياداشت ريككه‌فتنيگ ك بايه‌س بوێ ئمزاى گريه‌به‌سيگ له‌تى بكرياتاد له ويستگه‌ى كاره‌باى بێجى و ئاماژه وه‌ه‌يه‌يش كرد مه‌ندوب كۆمپانياى ئۆراسكۆم مسرى هه‌وڵ جيوه‌جيكردن ئه‌و گريه‌به‌سه دا وه‌گشت شيوه‌يگ و جانتايگ هه‌ڵگرتوێد و 40 مليۆن دۆلار رشبه‌ت له‌تى بوێ.
نسه‌يف له به‌ياننامه‌يگ ئه‌را ئاژانس شه‌فه‌ق نيوز وت: بڕيگ له گه‌نده‌ڵه‌يل و سوودمه‌نه‌يل هه‌وڵ ئه‌وه ئه‌يه‌ن دعايه ئه‌را تواناى ريككه‌فتن ويستگه‌ى بێجى بكه‌ن، يه‌يش له‌وه‌ختيگ ئمزاكردنى ناكريه‌ێد و نادێ، له‌وه‌ر ئه‌وه‌گ ياداشت ريككه‌فتن گه‌نده‌ڵكارانه هه‌واڵه‌ى ده‌سه‌ى ده‌سپاكى كرياگه‌و تائيسه‌يش چه‌وه‌رێ ئه‌نجامه‌يل په‌يجوورى ئه‌كريه‌ێد.
جى باسه، نسه‌يف هه‌ميش وت: مه‌ندوب كۆمپانياى ئۆراسكۆم وه‌گشت شيوه‌يگ فشار دروس ئه‌كا ئه‌را مووركردن ئه‌و ريككه‌فتنه‌و گه‌ردێد و جانتايگ ها ده‌سيه‌وه وه بڕ 40 مليۆن دۆلار رشبه‌ت.