شه‌فه‌ق نيوز/ وه‌رپرسيگ باڵاى عراقى، جه‌خت له‌وه‌ كرد, مه‌ترسيه‌يليگ ئه‌منى تويش دامه‌زرانن رييگ ئه‌دێ ك پاريزگاى به‌سره‌ له‌ باشوور عراق په‌يوه‌س ئه‌كاده‌ خاكه‌يل توركيا دوياى چگنى وه‌ناو چه‌ن پاريزگايگ عراقى.

له‌و باوه‌ته‌و ئه‌لعه‌ره‌بى ئه‌لجديد له‌ زووان وه‌رپرسيگ عراقى وت: په‌يوه‌نديه‌يل وه‌ل توركيا خاسه‌و هويچ كيشه‌يليگ سياسى له‌ناونى هه‌ردوگلا نيه‌ ك گرفت بخاده‌ دامه‌زرانن ئيچنه‌ رييگ.

وه‌رپرسه‌گه‌ يه‌يش ده‌رخست ك كيشه‌ى په‌يوه‌سكردن رێ ناونى عراق و توركيا كيشه‌يگ ئه‌منيه‌ ك وه‌ ناوچه‌يليگ چووڵه‌وانى دريژماوه‌يگ و سه‌دان كيلۆمه‌تر گوزه‌ر ئه‌كاو باس له‌وه‌يش كرد تائيسه‌يش په‌يوه‌سكردن ئه‌و رييه‌ ته‌نيا قسه‌كردن بويه‌و دامه‌زرانن ئيچنه‌ رييگ هه‌وه‌جه‌ وه‌ ئاماده‌كارى و پاسه‌وانى و كامێرا و ته‌ياره‌يل چه‌وديرێ ئه‌كا.