شه‌فه‌ق نيوز/ جه‌مال محێمداوى ئه‌ندام ئه‌نجومه‌ن نوێنه‌ره‌يل له‌بان پاريزگاى به‌سره, وشدارى دا له كاره‌سات ته‌ندروستى ك شايه‌ت به‌ڕه‌سێده به‌نده‌ر ئوم قه‌سر له‌ئه‌نجام هاتن كه‌شتيه‌يل چينى ئه‌را به‌نده‌ره‌گه.
محێمداوى له به‌ياننامه‌يگ ئه‌را شه‌فه‌ق نيوز وت: هاتن كه‌شتيه‌يل له چينه‌و وه كادر چينى يا فلپينييه‌و ئه‌را به‌نده‌ر ئوم قه‌سر و وه‌بى وشكانن ئه‌را ئه‌گه‌ره‌يل تويشهاتن وه ڤايرۆس كۆرۆنا دوير نيه بدێده هووكار بڵاوبوينه‌وه‌ى ئى ڤايرۆسه له گشت عراق.
جى باسه، محێمداوى داوايش له لايه‌نه‌يل په‌يوه‌نديدار كرد تيميگ تايبه‌ت ته‌ندروستى وه‌گورجترين وه‌خت ره‌وانه‌ى به‌نده‌ر ئوم قه‌سر بكريه‌ێد له‌وه‌ر وشكانن كارمه‌نده‌يل بيگانه‌و دويره‌وخستن مه‌ترسى ئه‌و ڤايرۆسه.