شەفەق نیوز/ دەزگای ئەمن نیشتمانی لە پارێزگای کەرکوک، ئمڕوو شەممە، راگەیان چەکانن تووڕیگ لە شانە خەفتکەگان، ئەندامەگانی لە جەنگەیل بشیر و بێجی لە پارێزگای سەڵاحەدین لە ناوڕاس ساڵ ٢٠١٤ وەگەرد داعش بوینە.
دەزگاگە لە بەیاننامەیگ ئمڕوو وت: مەفرەزەیل دەزگای ئەمن نیشتمانی لە کەرکوک توێنستن دەسگیر تووڕیگ بکەن ک ئەندامەیلی لایەنگر شانە خەفتگەگانن لە پەنج کەس داواکریاگ وەگورەی مادەی ٤ تیرۆر.
بەیاننامەگە ئاماژە کرد ک توومەتبارەگان لە مەوقەی لێکۆڵینەوەگان ئاشکرای وەرگردن رینمایلیگ کردن ئەرا دووارە رێکخستن خوەیان ئەرا ئەنجامدان پەلامارەیلیگ تیرۆری، و هەمیش ئاشکرای لایەنگری وەرینیان ئەرا دیوان جوند ولایەت کەرکوک کردن.
بەیاننامەگە وتیش؛ بەشیگیان لە پەلامارەیلیگ تیرۆری لەبان ئاوای بشیر و پاڵاو بێجی بەشداری کردنە، و هەمیش لە پەلامارەیلیگ لەبان هێزە ئەمنیەگان لە پارێزگاگە، و ئاماژە کرد ک قسەیلیان واژوو کریا و هەواڵەیان وەرەو دادوەری کریا تا ریکارە یاساییەگان وە دژیان بووریەن.