شەفەق نيوز - بەسرە / هەولێر 

عراق داوەزیانیگ کەمکەم لە سەختی ئەو گەرمیە وەخوەی دوینێد مە لەی رووژەیل دویاییە کاریگەری لەبان جویراجویر شارەیل داشت، وەگەرد وەردەوامی کەشوهەوای تاوسانی سویەر، لەناو نشانەیل داوەزیانیگ ریژەیی لە پلەی گەرمی لەی رووژەیل بانانە، لە ئەنجام ئاڵشتبوین جویلەی وا.

  سادق عەتیە شارەزای کەشناسی ئەرا ئاژانس شەفەق نیوز وت: ئەوەسا گەرمیەگە شکێدەو وەلێ وەکۆتایی نیەڕەسێد، ئەوەیش لە ئەنجام ئاڵشتبوین جویلەی واگە وەرەو باکوور خوەرئاوا، دویای ئەوە کە یە چەن رووژیگە کپە، کە کپی واگە وەگەرد بەرزەوبوین پلەی گەرمی، تیژی گەرمیەگە زیایەو کەێد، و هەسکردن وەگەرمی بەرزیگ دووقاتەو کەێد، و ئی گورجی وا ئیسە، دەسمیەتی دەێد لە کەمەوکردن کاریگەری گەرمی، هەرچەن کەشوهەوا هەر فرە سویەرە.

   عەتیە وتیش: ئمڕوو سێشەممە، شەپوول گەرمیەگە دەسکردە داوەزیان، و لە رووژ پەنجشەممەی ئایندە کۆتایی تیەێد، کە گەرمی خوار 50 پلەی سەدی لە گشت شارەیل عراق توومار کریەێد، وەگەرد شار بەسرەیش،  وەلێ هەر جیاوازی ناوەین ناوچەیل مینێد، کە شارەیل ناوڕاس ناوەین 45 تا 46 پلەی سەدی توومار کەن، لە باشوور وڵات رەسێدە نزیکەی 48 پلە، و لە شارەیل باکوور بووە کەمترە.

دیاری کرد کە هەرچەن گەرمیەگە شکێدەو، وەلێ هەر کەشوهەوا سویەرە، و بایەسە ئاگادار بوین لە تیشک ئەوبان وەنەوشەیی کە لە ساعەت 12ی نیمەڕو تا ساعەت 4 دویای نیمەڕو رخبارەر کە رەسێدە 10 پلە، و رخداری لەبان ئایەم دیرێد هەناێ کەفێدە ژیر خەوەرەگە، وەتایبەت ئەوانەگ لای وەختەیلە لە دەیشت کار کەن.

 عەتیە وتیش: بایەسە شلەمەنی فرە بنووشن تا دویر بکەفن لە کاریگەری گەرمی و تیشک، و لە ژیر خەوەرەگە کار نەکەن و نەمێنن ئەرا مقیەتیکردن تەندروسی و وەبیوەی مەردم.