شەفەق نیوز/ رووداوەیل ریوبانەگان، ئمڕوو یەکشەممە، لە پارێزگای زیقار، بوینە هووکار مردن و زەخمداربوین ٦ هاووڵاتی لە شارەیلیگ جووراجور لە پارێزگاگە.
پەیامنێر ئاژانس شەفەق نیوز وت؛ رووداویگ بویە هووکار مردن یەک کەس و زەخمداربوین ٣ کەس تر لەوەر قەڵبەوبوین ئەو ماشین (چارجەر) ە ک لەبان ری بەسرە- زیقار لەناوی بوین.
وتیش؛ رووداوە دوویەمەگە لە قەزای غەراف لە باکوور پارێزگاگە بوی لەوەر لەیەکداین دوو ماتۆڕسکڵ، ک بویە هووکار مردن یەک کەس و زەخمداربوین ئەواکە، و ئاماژە کرد ک زەخمدارەگان وەرەو خەسەخانە بریان ئەرا وەرگردن چارەسەری، و تەرمەگان هەواڵەی پزشک دادوەری کریان.