شەفەق نیوز - دیالە / کەرکوک

سەرچەوەیگ ئەمنی، شەوەکی ئمڕوو سێشەممە، خەوەر دا لە گیانلەدەسدان کرێکاریگ و زەخمداربوین دوو کەس تریش  لە ئەنجام رویداو رمیان لە کارگەیگ خواردەمەنی ئاژەڵ لە ناوچەی هاشمیات لە  دەوروگؤد شار بەعقوبە سەنتەر پارێزگای دیالە.

سەرچەوەگە ئەرا ئاژانس شەفەق نیوز وت: هێزەیل ئەمنی و تیمەیل رزگارکردن و ماشینەیل فریاڕەسین رەسینە شوین رویداوەگە دەسوەجی لەدویای وەرگردن خەوەرەگە، و تەرمەگە ئەرا  پزیشک دادوەری و زەخمدارەیل ئەرا خەسخانە کلکریان، و دیاری کرد دەسەڵاتەیل تایبەتمەن دەس کردنە  وازکردن لێکۆڵینەوە لە رویداوەگە ئەرا ئاشکراکردن هویردەکاریەیلی.

لە رویداو تریش سەرچەوەیگ لە دەزگای تەندروسی پارێزگای کەرکوک، خەوەر دا لە رەسین ژنیگ گیانلەدەسداگ تەمەن 35 ساڵە، دویای وەرگردن دەرزی تێکەڵ کە خاوەن دوو مادەی دەرمانی بویە، لە یەکیگ لە دەرمانخانەیل کویچەی "نەدا" لە ناوەڕاس پارێزگەگە.

سەرچەوەگە ئەرا ئاژانس شەفەق نیوز وت: ژنەگە، کە سەرەتای   پیتەیل ناوی (أ.خ.ح)، دەرزییەگە لەناو دەرمانخانەگە وەرگردیە، وەرجە ئەوەگ ئەرا ماڵ خوەی گلەوبخوەێد و  گیان لەدەس بدەێد.

دیاریکرد کەسوکار ژنە گیانلەدەسداگە خەوەر دان  ئەو دەرزییە لە دەرمانخانەی ناوبریاگ وەرگردیە، لە وەختیگ کە تا ئیستە هووکارە پزیشکییە راسکانیەگە نەچەسپانسە کە بویەسە مدوو مردنی، و ئایا هویچ پەیوەنیگ لەناوەین دەرزیەگە هەس یا نە.

 سەرچەوەگە دیاریکرد، رویداوەگە هەوەجە وە لێکۆڵینەوە کەێد لە سروشت  مادەی دەرمانەگە کە تێکەڵ کریاس، و وەرد حالەتتەندروسی ژنەگە، وەگەرد وەدویاچگن ریوشوینەیل لە وەخت وەرگردن دەرزی لەناو دەرمانخانەگە.