شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو چوارشەممە، خەوەردا لە مردن و زەخمداری شەش کەس وە مەرافەیگ چەکداری لەناو بازاڕ ناسریە ناوەن پارێزگاگە.
سەرچەوەگە وە ئاژانس شەفەق نیوز وت، مەرافە و تەقەکردن لەناوبەین دوو لایەن دروسبویە لەناو بازاڕ "سەێد سەعید" لەئەنجام کەسیگ کوشیا و پەنجیش زەخمداربوی.
لە رویداویگتر سەرچەوەیگ لە پۆلیس ناخوەیی راگەیان، دوو کەس کوشیانە دویای ئەوەگ تەقە لەلیان کریەد و ماشینیان پلیەد لە جویر پیک ئاب لەلای ری گەشتیاری نزیک یەکگردن غەماس لە پارێزگای نەجەف.
وتیش، هێزەیل ئەمنی لەناو ماشین ئەو دوو کەسەگ مردوێن دەسنایە وەبان دوو بومب دەسی و چەک و بڕیگیش گولە و مادەی هوشبەر.