شەفەق نیوز/ سەرچەوەیگ پزیشکی لە کەرکوک، ئمڕوو دووشەممە، خەوەردا لە مردن کەسیگ و زەخمداری کەسیگ ترەک وە رویداو هاتوچو لەبان ری دوبز ـ ئاڵتون کپری نزیک ئاوای "قیە باشی" باکوور خەرئاوای پارێزگاگە.
سەرچەوەگە ئەرا ئاژانس شەفەق نیوز ئاشکرایکرد "روداوەگە لە ئەنجام لەیەکەوداین ماشینیگ لە پیچیگ نزیک ئاوای قیە باشی بویە، بویە مدوو مردن یەکیگ لە سەرنشینەیل لە شوین رویداوەگە، و زەخمداری سەختیگ کەسیگ ترەک".
وتیش، "تیمەیل فریاکەفتن رەسینەس شوین رویداوەگە و زەخمدارەگە ئەرا خەسحەخانەی دوبز کلکردنە، و تەرمەگەش ئەرا پزیشک دادوەری".
دیاریکرد "دەسڵاتدارەیل ئەمنی لێکۆڵینەوە لە چۆنیەتی رویداوەگە وازکردنە".