شەفەق نیوز ـ كەرکوک

سەرچەوەیگ تەندروسی لە فەرمانگەی تەندروسی كەرکوک، ئمڕوو پەنجشەممە، خەوەر دا لە مردن ناخاڵیگ و ئەفسەریگ سوپا و زەخمداری حەوت کەس ترەک لە دوو رویداو هاتووچوی جیاواز لە پارێزگاگە.

سەرچەوەگە ئەرا ئاژانس شەفەق نیوز وت: ناخاڵیگ وە تەمەن 15 ساڵ کە ماشین هاوڕدبۊی و دوو هاوڕێ وە تەمەن 15 و 16 ساڵ وەردیا بوی، لەیەکەودایە وەگەرد ماشین ترەک لە دەروازەی شار كەرکوک وەرەو پارێزگای سلێمانی،  بۊە مدوو مردن و زەخمداری ئەو دوو کەسە کە وەردیا بوین، وە هەمان شێوە رانندەی ماشین ترەک کە تەمەنی 50 ساڵ بۊ زەخمدار بوی.

وتیش؛ ناخاڵەگە، دانشتگ ناوچەی شۆرجەی كەرکوكە، تویش زەخمەی سەختیگ بۊ لە رویداوەگە، وەرجە ئەوەگ وە مدوو زاخمداری گیان لەدەس بدەێد، هەرسێ زەخمدارەگە ئەرا ئەرا وەرگرتن چارەسەر کلکیانەس خاستەخانە.

سەرچەوەگە دیاریکرد، لایەنەیل پەیوەنیدار دەسکردنە وە رێکارەیلیان ئەرا لێکۆڵینەوە لە رویداوەگە و زانستن هووکارەیل و وەردەکاریەیلی، لە وەختیگ هێمان زانیایی زیاتر لەبان چوینیەتی رویداو لەیەکەودانەگە نەیریاس..