شەفەق نیوز/ سەرچەوەێگ پزیشکی لە پارێزگای دیالە، ئمڕوو دووشەممە، خەوەردا لە مردن و زەخمداری 4 کەس وە رویداو هاتوچو لەبان ری ناوەینی وەرد بەغداد.
سەرچەوەگە وە ئاژانس شەفەق نیوز راگەیان "مەدەنیگ گیان لەدەسدا و 3 کەسیش زەخمداربوی کە ژن هاناویان وە رویداویگ هاتوچو لەناوەین دوو ماشین لەبان ری بەغداد ـ دیالە نزیک ناحیەی شەت خوەرئاوای بەعقوبە".
وتیش، "تەرم قوربانیەگە ئەرا پزیشک دادوەری کلکریا و زەخمداریەیلیش بریانە خەسخانەی فێرکاری بەعقوبە".