شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە مردن و زەخمداری 4 کەس لە هیزەیل ئەمنی وە رویداو تڵانن وەلایەن بارهەڵگر گەپیگ هەڵکوتاسە بان خاڵیگ وشکنین لە نزیک بەغدای پایتەخت.
سەرچەوەگە وە ئاژانس شەفەق نیوز خەوەردا، ئەندامیگ لە حەشد شەعبی گیان لەدەسداس و دووانیش زەخمداربوینە لە پۆلیس کۆنترۆل کاروبارەیل خاڵەیل وشکنین وەگەرد ئەندامیگ تر لە پولیس نەفت لەوەر هاتنە ناو ماشینیگ بارهەڵگر لە جویر ترێلە ئەرا ناو خاڵ کۆنترۆل " سقور" لەناوەین بەغداد و ئەنبار، وەئاراستەی هەڵەیگ دیاریکرد شمارەیگ ماشینەیل حکومی تایبەت وە خاڵ وەشکینەگە زەرەد دینە.