شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا لە دروسبوین جەنگیگ هووزانە لە باشوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز راگەیان، "جەنگیگ هووزانە لە قەزای رەفاعی باکوور پارێزگای زیقار دروسبویە، لەناوەین دوو لایەن، لەوەر وردەوردەیل وەرین"وتیش "جەنگەهووزانەگە بویەسە مدوو زەخمداری سەختیگ کەسیگ کە ئەراچارەسەر کلکریاسە خەستەخانە".
هەمیش لە پارێزگای بەسڕە جەنگیگ هووزانە دروسبوی لەوەر گیچەڵەیل کەسی لەناوەین دوو لایەنلە یەک هووز.
سەرچەوەگە وە ئاژانس شەفەق نیوز راگەیان، "مەرافیگ هووزانە لەناوەین دوو لایەن دروسبویە کە سەر وە یەک هووزن لەناوچەی رمیلەی باکوور، بویەسە مدوو کوشیان کەسیگ خەڵک ناسڕیە و زەخمداری سەختیگ یەکیگ ترەک " وتیش "هێزە ئەمنیەیل ئاخڵەی شوین رویداوەگە دان و تەرمەگە ئەرا پزیشک دادوەری کلکردن.