شەفەق نیوز/ دوو سەرچەوەی ئەمنی لە دیالە و سەڵاحەدین، ئمڕوو دووشەممە، خەوەردان لە مردن چوارکەس و زەخمداری هەفت کەس لە دوو رویداو هاتوچو جیاجيا.
سەرچەوەگە لە دیالە وە ئاژانس شەفەق نیوز وت "سێ فەرمانبەر لە وەزارەت نەفت گیان لەدەسدانە و پەنج ترەک زەخمداربوینە وە لەیەکداین و پلیان ماشینیان لەبان ری بەعقوبە بەلەدروز.
وتیش " تیم فریاکەفتن و وەرگیری شارستانی رەسینە شوین رویداوەگە و قوربانیەیل ئەرا فەرمانگەی پزیشک دادوەری کلکردنە و زەخمدارەیلیش ئەرا خەسخانەی گشتی بەعقوبە".
لە سەڵاحەدین فەرمانبەریگ گیان لە دەسدا ودووانیش زەخمداربوین وە لەیەکەوداین دوو ماشین لەبان ری یەسرب ـ بەلەد نزیک بنکەی ئاسمانی بەلەد لە باشوور سەلاحەدین وەپای سەرچەوەی ئەمنی.
سەرچەوەگە وە ئاژانس شەفەق نیوز وت "قوربانیەگە رانندەی وەڕێوبەر ئاودێری بویە لە قەزای دجێل و دەسڵاتدارەیل رێکارەیل پێویست گردنەسەوەر".