شەفەق نیوز/ سەرچەوەیگ لە پۆلیس ناوخوەیی، ئمڕوو پەنجشەممە، خەوەردا لە مردن ژن وە تەمەنیگ و ماڵ ژنیگ ترەک کەفتە وەر پەلامارداین وە بۆمب لە دوو رویداو  دوو ناوچەی جیای بەغدای پایتەخت.

سەرچەوەگە وە ئاژانس شەفەق نیوز وت، ژنیگ لەداڵگبوی 1960 لە ئەنجام رویداویگ تلانن وە لایەن ماشینیگ خێرا کە خاوەنەگەی وریانەبویە گیان لەدەسدا لە نزیک چێشتخانەی سیسبان لە جادریە ناوڕاس بەغداد، وتیش؛ ئەو کەسەی هووکار رویداوەگە بویە دەسگیرکریا.

لە رویداو ترەک هەمان سەرچەوە وە ئاژانسەگە راگەیان، دوو کەس بۆمب دەسی وەناو ماڵ هاوڵاتیگ لە داڵگبوی  1987 وشاننە لەناوچەی مڵشتەل وەبی ئەوەی زەخمداری بوود.

وەپای دان وەپینانەیل هەڕەشە لەلیکردنە و توومەتباری کەن کە ئەو هووکار دەسگیرکردن براگەیانە وە توومەت بازرگانیکردن وە مادەی هووشبەر.

وتیش؛ هێزە ئەمنیەیل ئۆپراسیۆن مینەکردن توومەتبارەیل دەسوەپی کردنە.