شەفەق نيوز/ سەرچەوەیگ ئەمنی، ئمڕوو شەممە، خەوەردا کە پارێزگای نەینەوار لە ماوەی 24 ساعەت گوزەشتە، چەن رویداوەیگ توومار کرد، لەلییان مردن مناڵیگ وە گولەی هەڵە، وەگەرد خنکیان سێ کەس، لە سێ ناوچەی جیاجیا لە پارێزگاگە.

 سەرچەوەگە ئەرا ئاژانس شەفەق نیوز وت: مناڵیگ لە تەمەن پەنج ساڵان، دویای تویشهاتنی وە گولەیگ لە چەک باوگی، مەوقەی دەسکاریکردن وەپی لەناو ماشین خیزانەگە، لەبان ری ناوەین موسڵ و قەزای تەلکێف باکوور شارەگە، وەکوتپڕ گیانی لەدەسدا.

وتیش: تەرمەگە ئەرا پزشک دادوەری بریا، ئەرا تەواوکردن ریکارەیل یاسایی.

هەرلیوا، سەرچەوەگە وتیش: نەینەوا خنکیان سێ کەس توومار کرد، کە دوو گەنج لە ئاوای تەل سمن لە قەزای تەلەعفەر خوەرئاوای پارێزگاگە خنکیان، و گەنجیگ ترەک مەوقەی مەلەوانیکردن لە دەریاچەی بەنداو موسڵ خوەرئاوای شارەگە گیانی لەدەسدا.

دیاری کرد کە تیمەیل وەرگری شارستانی توەنستن تەرم ئەو قوربانیەیلە درارن، و ئەرا پزشک دادوەری لە موسڵ بریان، و لێکۆڵینەوە وەردەوامە.