شەفەق نیوز/  ەرچەوەیگ ئەمنی لە دیالە، ئمڕوو شەممە، خەوەردا مناڵیگ هەفت ساڵان گیان لەدەسدایە وەمدوو تەزیان کارەبایی لەوەخت بازیکردن  وە ئامادەبوین خێزانەگەی لەناو باخچەیگ بازیکردن لە کویچیەی تەحریر  لەناوڕاس شار بەعقوبە ناوەن پارێزگاگە.

سەرچەوەگە خەوەردا، لێکۆڵینەوە لە  رویداوەگە وازکریاس کە دویەشەو رویدایە، کەسوکار مناڵەگە سکاڵە وەرانوەر خاوەن باخچەگە توومارکردنە.

لە رویداویگ ترەک، ئاگر گەپیگ لەناو باخیگ هیزگردیە  کە 4 دۆنمە لە دەوروگەرد ناحیەی وەجیهیە باکوور خوەرهەڵات دیالە.

سەرچەوە ئەمنیەگە وە ئاژانس شەفەق نیوز وت، تیمیگ وەرگیری شارستانی توەنستنە ئاگرەگە کپەوبکەن وەبی ئەوەی هووکار هیزگردن ئاگرەگە بزانرێد، وەپای هەمان سەرچەوە ئاگرەگە زەرد مادی گەپیگ رەسانیە وەبی زەرەد گیانی.