شەفەق نیوز ـ بابل
راگیانن پۆلیس بابل، ئمڕوو پەنجشەممە، پەیاکردن مناڵیگ تەمەن 10 ساڵە زنجیرکریاگ وە زنجیریگ ئاسنین لە قولەیلی لە ناو مالەگەی لە ناوچەی شۆملی، لە باشوور خوەرهەڵات پارێزگاگه، مەوقەی لێکۆڵینەوە لە مردن خوشکەگەی کە تەمەنەی 5 ساڵ بوی.
فەرماندەیی پۆلیس بابڵ، لە بەیاننامەیگ رەسیە ئاژانس شەفەق نیوز راگەیان دەسەی پۆلیس شۆملی و بەڵگەی تاوان رەسیەس ئەرا خەستەخانەی گشتی شۆملی دویای هاتن ئاگادارییگ لە مردن مناڵیگ لە لەداڵگبوی ساڵ 2021، دیار کرد وەشکین لە تەرمەگەی کریا و دەرچگە شوین کەوەوبوین لەقەێ دەس راس و جەپی هەس هەمیش زەمیگ لەبان برویەی.
وتیش؛ تیمیگ ئەمنی ئەرا مال مناڵەگە چگە تا وەدویاچگن لە هویردەکاری رویداوەگە بکەێد کە خوەشگە تەمەن 10 ساڵانەگەی وە بەسیاگی وە زنجیر پەیاکەن.
مناڵەگە ئازادکریا و ئەرا خەستەخانە کلکریا، لە یەکەم راپۆرت پزیشکی دەرچگە زەخمداری سووک و کەوەوبوین ها لەقەێ شوینە جیاوازەیل لەشی.
پۆلیس ئاشکراکرد، دادوەر لێکۆڵینەوە تایبەتمەن بڕیار دا ئەرا کلکردن تەرم مناڵەگە ئەرا پزیشک دادوەری وە مەبەست توێکاری، لە هەمان وەخت پەسەنکردن فەرمان دەسگیرکردن تۆمەتباریەیل وەپای سزای مادەی (405) لە یاسای سزادان عراقی.