شەفەق نیوز ـ کەرکوک

سەرچەوەیگ پزیشکی لە فەرمانگەی تەندروسی کەرکوک، ئمڕوو دوشەممە، خەوەر دا لە مردن پۆلیسیگ و زەخمداربۊن رانندەیگ، لە ئەنجام رویداو هاتوچو  لەبان ری دبس لە باکوور خوەرئاوای پارێزگاگە روی دا.

سەرچەوەگە ئەرا ئاژانس شەفەق نیوز وت: رویداوەگە لە ناوەین ماشینیگ باربەر ناوەنیگ و  لۆرییگ لە جویر "مان" نزیک ئاوای قوشقایە رووی دا، و بویە مدوو مردن یەکیگ لە ئەندامەیل پۆلیس نەفت باکوور وە کاریگەری زەخمەیلی، لە وەختیگ رانندەی ماشینەگەی ترەک زەخمدار بوی، ئەرا وەرگردن چارەسەر کلکریارە یەکیگ لە خەستەخانەیل کەرکوک.

دیاریکرد،  تەرم ئەندام پۆلیسەگە ئەرا فەرمانگەی پزیشک دادوەری کلکریا تا ڕێکارەیلی تەواوبکریەێد و رادەسکردنی وە کەسوکاری.