شەفەق نیوز/ سکرتێر سەرکردایەتی عراق لەحزب بەعس لەناوچی عەبدولباقی عەبدولکەریم سەعدون، ئمروو سێشەممە، لە نزیک 74 ساڵی دۊیای تێکچگن  تەندروسی ئەرا خەسخانە لە بەغدا کلکریا و دۊیا کووچی کرد.    

سەرچەوەیگ لە  وەزارەت داد وە ئاژانس شەفەق نیوز وت:  سەعدون لە ناو خەسخانە گیان لە دەسدایە وەبی هۊیردەکاری زیاتر.    

دەسەڵاتدارەیل ئاسایش عراق سەعدون  فەرماندەی دۊیەم حزب بەعس عەرەب لەناوچووی ، دۊیای عەزەت دوری لە ناوەڕاس ساڵ 2015 دەسگیرکردن.    

لە سەرەتای ساڵ 2016 دادگەی باڵای تاوانەیل بەغدا سزای لەسێدارەدان ئەرا سەعدون و شمارەیگ لە یاریدەریلی دەرکرد، باوجی لەوەر تەندروسیەگەی سزاگە وسیا.    

سەعدون لە سەردەم ڕژێم سەرکردایەتی تاقمە چەکدارەیل کردیە لە دۊیای رمیان ڕژێم وە تاوان جەنگ و تاوان جینوساید دژ وە نەتەوەیل عراق تاوانبار کریا.    

عەبدولباقی سەعدون (لەداڵگبۊی 1947)، وەرپرس رێکخریاگەیل حزب بەعس  لەباشوور پارێزگای دیالە بۊیە، ئەندام وەرین ئەنجومەن نەتەوەی عراق و یەکیگ لە داواکریاگەیل بۊیە، دۊیای داگیرکردن عراق وە لایەن ئەمریکا ، لە زنجیرە 40 لەو لیستە بۊیە.