شەفەق نیوز ـ بەغدا
سەرچەوەیگ ئەمنی، ئمڕوو شەممە، خەوەردا لە هیزگردن ئاگر لەناو شوقەیگ نیشتەجیبوین کە بڕیگ لە کراکارەیل بەنگلادیشی لەناوی نیشتنە لە ناوچەی شالجیەی بەغدای پایتەخت.
سەرچەوەگەوە ئاژانس شەفەق نیوز وت، لە ئەنجام رویداوەگە یەکیگ لە کراکارەیل وە تەواوی سزیا و بویە سوخال.
وتیش؛ تیمەیل وەرگیری شارستانی دەسوەجی ئامادەبوین لە شوین رویداوەگە توەنستن ئاخڵەی ئاگرەگە بدەن و کۆنترۆلی بکەن دیاریکرد تەرم قوربانیەگە ئەرا پزیشک دادوەری کلکریا و لێکۆڵینەوە لە چوینیەتی رویداوەگە وازکریا.