سەرچەوەیگ ئەمنی لە بەغدا وە ئاژانس شەفەق نیوز خەوەردا " ژنیگ لەبنکەی پۆلیس داد لە دژ شویەگەی توومار کردیە، لەناوچەی شەعب باکور پارێزگاگە، لەدوای ئەوەگ وت دویەتە مناڵە 9 مانگەگەی وە مردگی لەناو تانکی ئاو پەیاکردیە و باوگی لەناوی دەریکردیە و لەخاکی نایە وەبی ئەوەی دەزگای ئەمنی ئاگاداربکەێد".

وتیش " ژن و شویەگە دەسگیرکریانە و لێکۆڵینەوە وەگەردیان کریەد هەمیش رەسینەس وەپی مەوقەی لەخاک دانان مناڵەگە وەبی هویچ بەڵگەنامەیگ"، وتیش " رەزامەنی دادوەر وەرگیریاگە و ئەرا پزیشک دادوەری کلکریاس ئەرا زانستن هووکار راسی مردنەگەی".

هەمیش لە دیالە سەرچەوەی ئەمنی لە پارێزگاگە خەوەردا لە مردن فەرمانبەریگ وە شۆرت کارەبایی لەباکوور خوەرئاوای بەعقوب.

سەرچەوەگە وە ئاژانس شەفەق نیوز و " فەرمانبەریگ سی ساڵان وە شۆرت کارەبایی مردیە لەناحیەی جەدیدەت شەت باکوور خوەرئاوا بەعقوبە".

وتیش " قوربانیەگە وجویر فەرمانبەر لە فەرمانگەی کارەبا کارکەێد و مەوقەی کارکردن گیان لەدەسدایە"، دیاریکرد " ئەرا پزیشک دادوەری کلکریاس و لێکۆڵینەوە لە رویداوەگە وازکریاگە".