شەفەق نیوز/ سەرچەوەیگ پزشکی لە فەرمانگەی تەندروسی پارێزگای زیقار، ئمڕوو شەممە، خەوەردا لە مردن تاوانکریاگیگ وە لایەنگردن داعش لەناو زیندان حووت.
سەرچەوەگە ئەرا ئاژانس شەفەق نیوز وت: تیرۆرستیگ لە ریخریاگ داعش لە تەمەن ٢٢ ساڵان خەڵک شار مووسڵ، فەرمان وەسێدارەدان وەگورەی مادەی ٤ تیرۆر لەبانی دریاگە، لەناو زیندان حووت لە ناسریە مرد.
سەرچەوەگە دیاری کرد ک هووکارەیل مردنەگە تەندروسیین، وەلی تا ئیسە دیاری نەکریانە، و ئاماژە کرد ک تەرمەگە بریا پزشک دادوەری تا بیریەێدە دەس خاوەنی.