شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەمە، خەوەردا لە کوشیان فەرمانبەریگ حکومەتی وە پەلاماریگ چەکدار لە قەزای رفاعی باکوور پارێزگاگە.
سەرچەوەگە ئەرا ئاژانس شەفەق نیوز وت: چەکدارەیلیگ وەکووڵ ماتووڕسکڵیگ تەقە لە فەرمانبەریگ لە وەزارەت کارەبا کردن، ک کار لە لق باکوور ناسریە کەێد لە قەزای رفاعی، ک وەکوتپڕ گیانی لەدەسدا.
سەرچەوەگە دیاری کرد ک رویداوەگە لەبان مێفەیگ وەگەرد باوان ژنەگەی بویە، ک کەسەیلیگ لە باوان ژنەگەی تاوان کوشتنی جیوەجی کردن.
دیاری کرد ک دەزگایل ئەمنی مینەی تاوانکارەیل کەن ک وەرەو شوین نادیاریگ واینە.