شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا ک مرافەیگ لەناونی مناڵەیل لە باکوور پارێزگاگە رەسیە جەنگیگ هووزانە.
سەرچەوەگە ئەرا ئاژانس شەفەق نیوز وت: مرافەیگ لەناونی مناڵەیل لە قەزای غەراف لە باکوور پارێزگای زیقار، رەسیە جەنگیگ هووزانە وەچەک سووک و ناوڕاس.
و دیاری کرد ک وە کوشتن یەک کەس و زەخمداربوین ٣ کەس تر کۆتایی وە جەنگەگە هات، و ئاماژە کرد ک هێزە ئەمنیەکان دەورگرد شوون رووداوەگە گردن و تەرمەیل وەرەو پزشک دادوەری بردن، و زەخمدارەیلیش رەوانەی خەسەخانەیل کریان.