شەفەق نیوز/ کەسەیلیگ لە فریاکەفتن، ئمڕوو شەممە، خەوەردان لە کوشتن کەسیگ و زەخمداربوین هەفت کەس لە مرافەی چەکداریگ لە پارێزگای سلێمانی.
سامان نادر وەڕێۆبەر ناوەند فریاکەفتن سلێمانی ئەرا ئاژانس شەفەق نیوز وت: دویەکە ئیوارە مرافەیگ لە ئاوای کولیچە لە خوەرهەڵات ناحیەی پیرە مەگرون سەروە پارێزگای سلێمانی لەناوبەین دوو بنەماڵە لەوەر گرفتەیل ئاو بوی.
وتیش مرافەگە بویە هووکار زەخمداربوین هەیشت کەس یەکیگیان مرد و سێیانیان لە خەسەخانە دەرچگن و چوار لەلیان هێمان هانە وەرگردن چارەسەری.