شەفەق نیوز/ مرافەیگ هووزانە لە پارێزگای نەجەف، ئمڕوو شەممە لەبان پارچە زەوییگ، رەسیە کوشتن کەسیگ لەلای کەمەو.
سەرچەوەیگ ئەمنی ئەرا ئاژانس شەفەق نیوز وت: مرافەیگ هووزانە کەفتە ناوبەین دوو هووز لە یەکیگ لە ئاوایەیل قەزای کووفە، لە پارێزگای نەجەف، تا رەسیە کوشیان گەنجیگ لە تەمەن ١٧ ساڵان.
سەرچەوەگە دیاری کرد ک مرافەگە لەبان پارچە زەوییگ لەناوبەین دوو لایەنەگە قومیایە، وهیزە ئەمنیەیلە توەنستن شوین رویداوەگە ئارام بەکن، و نەیان چەک بڕەسێدە دەس هویچ لایەنیگ لەلیان.