شەفەق نیوز/ کۆمسیۆن ماف مرۆڤ لە عراق، ئمڕوو یەکشەممە، دیاریکرد ک ئەنجام لێکۆڵینەوە لە رووداوەیل خۆپیشاندانەگان تەشرین ٢٠١٨ تا ئیسە ئاشکرا نوویڵ، و گلەیی خستە بان حکومەت عراق.
فازڵ عەزاوی ئەندام کۆمسیۆن ماف مرۆڤ لە بەیاننامەیگ رەسیە ئاژانس شەفەق نیوز وت: لێکۆڵینەوەگان لە رووداوەیل تەشرین تا ئیسە ئاشکرا نەکریانە، هەرچەن ماوەی دریژیگ لەبان دەسکردن دەسەیل لێکۆڵینەوەگان ک لەلایەن حکومەت دانریاگە.
وتیش؛ قەرەبووکردن زەردەیل ئەرا شەهید و زەخمدارەگان و خیزانەیلیان و یەکسانەی لە هاوردن تاوانبارەگان ئەرا داد و قەرەبووکرن قوربانیەگانیان وەشیوەیگ گشتی خوازێد.
عەزاوی بانگواز ئەرا گشت خیزانەیل شەهیدەگان و زەخمدارەگان لە ناڕەزاگان و هێزە ئەمنیەگان کرۆدد سکاڵا بخەنە وەردەس نووسینگەیل کۆمسیۆنەگە ئەرا بەڵکەکردنیان و هەواڵەکردنیان ئەرا دادگای ماف مرۆڤ.