شەفەق نیوز/ سەرچەوەیگ لە پولیس سەڵاحەدین، ئەمروو شەممە، خەوەردا کە دوو کەس مەدەنی زەخمدار بوین، دویای ئەوە کە ماشینیگ لە ری دەرچگ و چگە ناو چێشتخانەیگ لەبان جادەیگ سەرەکی ناوڕاس پارێزگاگە.
سەرچەوەگە ئەرا ئاژانس شەفەق نیوز وت: ماشینیگ لە دەس رانندە دەرچگ، و لە ریەگە لادا و چگە ناو چێشتخانەی عەریش لە جادەی ئەربەعین ناوڕاس پارێزگای سەڵاحەدین.
سەرچەوەگە دیاری کرد کە رویداوەگە بویە هوکار زەخمداری راننکەی ماشینەگە و کەسیگ مەدەنی، وتیش: رویداوەگە نیمەی شەو بویە، و زەرەد وە بینای چێشتخانەگە رەسانیە.