شەفەق نیووز- بەغدا

سەرچەوەیگ ئاگادار، ئمڕوو پەنجشەممە، راگەیان  ئەو کەسەیلە کە لە شوون دانوەپینانەیل بریکار وەزارەت نەفت ئەرا پاڵین عەدنان جەمیلی دەستگیر کریان، دادگاییكردن، ئمڕوو ئەرایان ئەنجام دریەێد  وەلایەن دادگاوە.

سەرچەوەگە کە قسە ئەرا ئاژانس شەفەق نیووز کرد، دیاریکرد  "گشت دەستگیرکریاگەیل لە شوین گەندەڵی جەمیلی، ئمڕوو خریەنە وەرچەو دادگا"، بی وردەکارییەیل زیاتر.

سەرچەوەیگ ئەمنی، رووژ شەممەی گوزەشتە، باس لە دەستگیرکردن وەڕێوەبەر بەش راهێنان لە پەیمانگەی نەفت بیجی، غەسان جەمیلی، برا عەدنان جەمیلی کرد، لە وەخت پرۆسەیگ ئەمنی وە بەشداری دەسەی پاکسازی، وە مدوو دۆسیەیل گەندەڵی.

جویر دیارە،  دۆسیەی بریکار وەزارەت نەفت ئەرا پاڵین، عەدنان جەمیلی،  زیاتر لە دوو مانگە  بەردەوامە، و پەلامار پەرلەمانتارەیل و وەرپرسەیل دایە، و شمارەیگ لەلیان لە ناوچەیل جیاواز لە بەغدا دەستگیر کریان، لەناوەینیان ناوچە سەوز".

پرۆسەیل، وەپای بەیان و قسەیل حکومەت،   بڕەپوولەیل گەپ عراقی و ملیۆنان دۆلار، وەرد تەڵا  و سەبیکەی تەڵا لە ماڵەیل و زەویەیل کشاوەرزی کە هن وەرپرسەیل و سیاسەتمەدارەیل عراقین دەسوەبانیان گیریا.