شەفەق نیوز/ فەرمانگەی تەندروسی پارێزگای واست، ئمڕوو سێشەممە، دەرچگن دویاترین بیمار وە تەو خۊنوەربۊن لە پارێزگاگە راگەیان،  دویای ئەوە ک ٨ تویشهاتن وەی بیماریە توومار کرد.  

جەبار یاسری وەڕیەوبەر گشتی فەرمانگەگە لە بەیاننامیگ رەسیە ئاژانس شەفەق نیوز وت " دویاترین تویشهاتگ وە تەو خۊنوەربۊن دویای خاسەوبوینی لە خەسەخانە دەرچگ، و دووپات کرد ک دامەزراوەیل تەندروسی لە واست هۆڵەیکیگ تایبەت لەناو خەسەخانەیلی ئەرا چارەکردن بیمارەیل تەو خۊنوەربۊن ئامادە کرد.   

جی باسە ک پارێزگای زیقار، یە چەن رووژیگە تویشهاتن وە تەو خۊنوەربۊن توومار کەێد  تا بکەفێدە نوای گشت ئەو پارێزگایلە ک هیمان  ئی بیماریە لەناویان ئاشکرا نەویە، بیجگە نەینەوا و کەرکوک و نەجەف و موسەنا و میسان و بەسرە.