شەفەق نیوز/ ئمڕوو دووشەممە، مەحمود مەشهەدانی، سەرۆک پەرلەمان عراق وت: ئەگەر چشتیگ ناکاوی بوی، هاتی هەڵوژاردن پەرلەمان عراق دوابخرێد.

 مەشهەدانی لە دیداریگ وەرد کەناڵ حەدەس  کە ئاژانس شەفەق نیوز چەودیاریی کرد، وت: "هەگ یاسای هەڵوژاردن پەسەنکریا، هەڵوژاردن پەرلەمان لە خوەی  ئەنجامدرێد".

 لەباوەت ململانێی ناوەین باڵە عێراقییەیل و ئیسرائیل، سەرۆک ئەنجومەن نوێنەرەیل باس ئەوە کرد کە “باڵە چەکدارەیل وەڵام پەلپ وسانن پەلامارەیل وەبان ئیسرائیل دانەو”، یەیش نشانەس ئەرا ئەوە کە “زوورەیل ئەمریکا نیاز ئیسرائیل ئەرا پەلاماردان  عراق وسان”.

 بەڵام مەشهەدانی وتیش، "هەڕەشەیل ئیسرائیل ئەرا ئەنجامدان پەلامار وەبان عراق هیمان جی نیگەرانییە".

 ململانێی ئەمریکا و ئیران

 مەشهەدانی دووپات کرد کە "عراق نیەتوەنێد بکەفێدە وەرد لاییگ ئەگەر جەنگ ئەمریکا و ئیران قومیا".

 وتیش: "ویزوی بویین ئەمریکا له عراق وە یاسایی کریەێد"، وتیش: دۆناڵد ترەمپ زوور لە محمد شیاع سودانی سەرۆک وەزیرەیل عراق کرد ئەرا سنووردارکردن چەک لە وڵات".

 پرس سوریا

 سەرۆک پەرلەمان عراق "ڕەتکردنەوەی سیناریۆی بەشەوکردن لە سوریا" ڕاگەیان، دووپاتیش کرد کە "عراق دەسوەردان لە کاروبار ناوخو سوریا نیکەێد".

وتیش "شیواشیو ئاسایش لە سوریا کاردانەوەی بەد لەبان ناوچەگە دیرێد"، دیاری کرد کە "ئەوەگ لە سوریا بوود کاریگەری لەبان عراق دیرێد".

مەشهەدانی هوشداری دا لە "حکومەتیگ بەشبەشی لە سوریا هەکاتی عراق"، و ئاشکرای هوشدارییگ عراقی کرد ئەرا سوریا لە "دەرئەنجامەیب ڕێزنەگردن لە ماف کەمینەیل".

 باس رێککەفتن وەرد سوریا کرد تا “ریگری لە فراوانبوین گروپە چەکدارەیل” بکەید، سەرۆک ئەنجومەن نوێنەرەیل وتیش: “زاڵبوین تورکیا لە سوریا ئاشکراس و یەیش باوەتیگ نیگەرانکەرە”، وتیش: “نیەخوازیمن تورکیا جی  ئیران لە سوریا بگرێدەو.”

 وتیش: "ئیران دڵگرانە وەو کارەیلە لە سوریا و نیگەرانی فرەیگ دیرێد".